ដោយៈគង់ សូរិយា
ភ្នំពេញៈ ការវិនិយោគលើទីធ្លាសាធារណៈ តំបន់បៃតង ការលំហែរអារម្មណ៍ នឹងធ្វើឲ្យអ្នករស់នៅមានភាពស្រស់ស្រាយ និងមនោរម្យ ដែលកាន់តែធ្វើឲ្យអ្នករស់នៅមានផាសុខភាព និងកសាងមូលសុភមង្គលក្នុងក្រុមគ្រួសារ។
អគ្គនាយិកាបុរីវិមានសំណាង លោកជំទាវឧកញ៉ាគង់ សំណាងបានមានប្រសាសន៍ឲ្យដឹងនាព្រឹកថ្ងៃទី២ មិថុនានេះថា ជាមួយនឹងរសនិយម និងនិន្នាការរស់នៅសម័យថ្មីរបស់ប្រជាពលរដ្ឋ ដែលចូលចិត្តធម្មជាតិ និងនិយមការហាត់ប្រាណ ដើម្បីថែររក្សាសុខភាព ទើបបុរីវិមានសំណាងបាននិងកំពុងកសាហហេដ្ឋារចនាសម្ព័ន្ឋធំទូលាយ មានសួនច្បារដ៏ធំមួយសំរាប់ការដើរហាត់ប្រាណ មានកន្លែងធ្វើអាជីវកម្ម ពិសេសមានដងព្រែកធម្មជាតិ ដែលផ្តល់ឲ្យបរិយាកាសរស់នៅ ពោរពេញដោយផាសុខភាព។
លោកជំទាវបន្តថា "អ្វីដែលយើងផ្តោតសំខាន់ពេលនេះ គឺផ្តល់ឲ្យអតិថិជននូវតម្លៃពិសេសមួយ ព្រោះយើងកំពុងកសាងគុណតម្លៃ ជាជាងប្រាក់ចំណេញតែមួយមុខ"។ លោកជំទាវបានបន្តថា "ដោយសារយើងផ្តោតលើម៉ូតផ្ទះធំទូលាយ មានរចនាបទរសរវើក បានធ្វើឲ្យទំហំចំណាយរបស់យើងមានលើសពី២០ ទៅ៣០ភាគរយ បើធៀបនឹងម៉ូតផ្ទះសាមញ្ញៗ"។
ជាមួយគ្នានេះ បុរីវិមានសំណាងនឹងបើកសម្ភោធផ្ទះគំរូ នាខែកក្កដាខាងមុខនេះហើយ ដែលមានទីតាំងនៅលើមហាវិថីឈ្នះ ឈ្នះ និងមានចម្ងាយប្រមាណ១គីឡូម៉ែត្រ ពីទីស្តីការក្រសួងរៀបចំដែនដី នគរូបនីយកម្ម និងសំណង់។
លោកជំទាវគង់ សំណាងបានបន្តថា ជាមួយនឹងការសិក្សាពីរសនិយម និងចំណង់ចំណូលចិត្តរបស់អតិថិជន មុនពេលយើងវិនិយោគបុរីនេះ បានធ្វើឲឲ្យល្បឿននៃការលក់របស់យើង សម្រេចបានលើសផែនការ ដោយរហូតមកទល់ពេលនេះ ក្រុមហ៊ុនបានលក់ផ្ទះអស់ជាង២០ភាគរយហើយ លើគំរោងដំណាក់កាលទី១។
លោកជំទាវបន្តថា "ការសម្រេចចិត្តវិនិយោគបុរី ដែលផ្តោតលើអ្នកមានប្រាក់ច្រើននេះ ដោយយសារជីវភាពរបស់ប្រជាពលរដ្ឋយើងកើនឡើង ពិសេសចំនួនអ្នកមានជីវភាពធូរធារ នៅកម្ពុជាមានចំនួនកាន់តែច្រើន ដែលធ្វើឲ្យតម្រូវការលំនៅដ្ឋានប្រភេទនេះ មានចំនួនកើនឡើងជាស្វ័យប្រវត្តិ៕
No comments:
Post a Comment