ដោយៈគង់ សូរិយា
សៀមរាបៈ សណ្ឋាគារដ៏ល្បីនៅក្រុងសៀមរាប Raffles Grand d'Angkor គ្រោងនឹងបើកដំណើរការវិញនៅដើមខែមិថុនាខាងមុខនេះ បន្ទាប់ពីត្រូវបានបិទអស់រយៈពេលជិតបីឆ្នាំ។
ការប្រកាសបើកដំណើរការឡើងវិញនេះ គឺស្របពេលដែលមានទេសចរបរទេស បាននិងកំពុងចូលមកទស្សនានៅកម្ពុជាកាន់តែច្រើន ក្រោមមានការបន្ធូរបន្ថយការរឹតត្បិតនៃវិធានសុខាភិបាល។
Raffles Grand d'Angkor Hotel ដែលត្រូវបានចាត់ចូលជាសម្បត្តិបេតិកភណ្ឌដ៏ល្បីល្បាញនៅអាស៊ីអាគ្នេយ៍ គ្រោងនឹងបើកទ្វារស្វាគមន៍ភ្ញៀវឡើងវិញនៅថ្ងៃទី១ ខែមិថុនា ឆ្នាំ ២០២២ បន្ទាប់ពីបានផ្អាកដំណើរការរយៈពេលជិត៣ឆ្នាំដោយសារវិបត្តិកូវីដ១៩។
អ្នកគ្រប់គ្រងទូទៅសណ្ឋាគារដ៏ល្បីនេះ លោក Dennis de Groot បាននិយាយថា "វាពិតជាអស្ចារ្យណាស់ ដែលសណ្ឋាគារដ៏ប្រណីតរបស់យើងអាចបើកដំណើរការឡើងវិញ ក្នុងពេលវេលាដ៏សមស្របមួយនេះ" ។
លោកបន្ថែមថា "ឆ្នាំនេះ យើងត្រូវរៀបចំពិធីអបអរសាទរខួបលើកទី ៩០ របស់សណ្ឋាគារ ហើយយើងពិតជារីករាយណាស់ ដែលសណ្ឋាគារនេះ អាចបន្តផ្តល់សេវាបដិសណ្ឋារកិច្ច ដែលមានស្តង់ដារ គុណភាព និង ទទួលបាននូវអារម្មណ៍ជាពិសេសមួយគឺ ភាពជាមិត្ត ជាក្រុមគ្រួសារ ជូនដល់ភ្ញៀវទាំងអស់ដែលមកស្នាក់នៅទីនេះ"៕
No comments:
Post a Comment