ដោយៈសុខុម

សឹង្ហបុរី: យោងតាមការប៉ាន់ប្រមាណផ្លូវការ ដែលអាជ្ញាធរអភិវឌ្ឍន៍ទីក្រុង (URA) នៃប្រទេសសិង្ហបុរី បានចេញផ្សាយនៅថ្ងៃសុក្រ ទី០១ ខែមេសា នេះបង្ហាញថាតម្លៃលំនៅដ្ឋានឯកជននៅក្នុងប្រទេសនេះ បានហក់ឡើង០,៤%ក្នុងត្រីមាសទី១ ដើមឆ្នាំ២០២២ នេះ។

ផ្អែកតាមទិន្នន័យបង្ហាញថា នេះជាសន្ទុះហក់ឡើងថ្លៃយឺតបំផុតចាប់តាំងពីត្រីមាសទី២ ដើមឆ្នាំ២០២០ ដែលពេលនោះតម្លៃលំនៅដ្ឋានឯកជនបានហក់ឡើងត្រឹមតែ០,៣%។ តម្លៃលំនៅដ្ឋានបានហក់ឡើង៥%ក្នុងត្រីមាសទី៤ ចុងឆ្នាំ២០២១។

សន្ទស្សន៍អចលនទ្រព្យប្រភេទលំនៅដ្ឋានឯកជន នៅត្រីមាសទី១ ដើមឆ្នាំ២០២២ នេះបានហក់ឡើងដល់១៧៤,៣ពិន្ទុ ដោយកើនឡើង០,៧ភាគរយកាលពីត្រីមាសទី៤ ចុងឆ្នាំ២០២១។

ការប៉ាន់ប្រមាណនេះ ត្រូវបានចងក្រងដោយផ្អែកលើ តម្លៃប្រតិបត្តិការទិញលក់ ដែលត្រូវបានបង្ហាញក្នុងកិច្ចសន្យា ដាក់ជូនសម្រាប់ការបង់ពន្ធប្រថាប់ត្រា និងទិន្នន័យស្ដីពីចំនួនយូនីត ដែលបណ្ដាក្រុមហ៊ុនអភិវឌ្ឍន៍បានលក់ចេញគិតមកទល់នឹងពាក់កណ្តាលខែមីនា។

អាជ្ញាធរអភិវឌ្ឍន៍ទីក្រុង (URA) នឹងចេញផ្សាយស្ថិតិអចលនទ្រព្យបច្ចុប្បន្នភាពសម្រាប់ត្រីមាសទី១ ដើមឆ្នាំ២០២២ នៅចុងខែមេសា នេះ៕ CNA៕