ដោយៈគង់ សូរិយា

ត្បូងឃ្មុំ ព្រៃវែងៈ ឯកអគ្គរដ្ឋទូតសាធារណៈរដ្ឋប្រជាមានិតចិន លោកវ៉ាង វិនធាន បានជូនដំណឹងល្អចំនួន២ដល់ប្រជាជន និងរដ្ឋាភិបាលកម្ពុជា ទាក់ទងនឹងការនាំចេញនិងការផលិតវ៉ាក់សាំងនៅកម្ពុជា។

លោកវ៉ាង វិនធាន បានមានប្រសាសន៍៍ក្នុងពេលចូលរួម សម្ភោធផ្លូវជាតិលេខ១១នាព្រឹកថ្ងៃទី៦ ធ្នូនេះថា ក្រុមមន្រ្តីចិន តាមរយៈកិច្ចប្រជុំរវាងសម្តេចតេជោហ៊ុន សែននាយករដ្ឋមន្រ្តីនៃកម្ពុជា និងលោកលី ខឺឈាងនាយករដ្ឋមន្រ្តីចិនកាលពីពេលថ្មីៗនេះ ក្រុមមន្រ្តីបច្ចេកទេសកំពុងសិក្សាពីមៀន និងត្រីប្រា ដែលការងារនេះបាននិងកំពុងប្រព្រឹត្តិទៅ ដែលផ្លែមៀនកម្ពុជានឹងអាចនាំចេញ​នៅរដូវប្រមូលផលថ្មី ប៉ុន្តែកម្ពុជាអាចនាំត្រីប្រាទៅកាន់ប្រទេសចិននាពេលឆាប់ៗនេះ។

លោកបន្តថា ជាមួយគ្នានេះ ក្រុមហ៊ុនផលិតវ៉ាក់សាំងស៊ីណូហ្វាម កំពុងរៀបចំក្រុមការងារដែលពេលអនាគតកម្ពុជានឹងអាចផលិតវ៉ាក់សាំង និងប្រើប្រាស់វ៉ាក់សាំងនេះផលិតនៅកម្ពុជាចាក់ជូនប្រជាជនកម្ពុជា។ លោកបន្តថា កិច្ចព្រមព្រៀងពាណិជ្ជកម្មសេរីចិន កម្ពុជា ដែលនឹងចូលជាធរមាននៅថ្ងៃទី១ មករា ឆ្នាំ២០២២ខាងមុខនេះ នឹងធ្វើឲ្យចិន កម្ពុជាសម្រេចបាននូវទំហំពាណិជ្ជកម្ម និងធ្វើឲ្យប្រជាជននៃប្រទេសកម្ពុជាទទួលបានវិបុលភាពថែមទៀត៕