ដោយៈសុជាតា

ប្រទេសថៃៈ ក្រុមហ៊ុនបច្ចេកវិទ្យាហិរញ្ញវត្ថុ (Fintech )ប្រចាំតំបន់អាស៊ីអាគ្នេយ៍បានបង្កើនដើមទុនប្រមាណ១៥០ លានដុល្លារនៅជុំចុងក្រោយ ដែលធ្វើឲ្យតម្លៃទុនសរុបកើនឡើងប្រមាណ១៥០០លានដុល្លារ។
កំណើនទ្រព្យសកម្មរបស់ក្រុមហ៊ុន ជាតួលេខឆ្លុះបញ្ចាំងពីភាពរឹងមាំខាងបច្ចេកវិទ្យាហិរញ្ញវត្ថុលើកដំបូងរបស់ប្រទេសថៃ។

ក្រុមហ៊ុនវិនិយោគ ដែលមានមូលដ្ឋាននៅសហរដ្ឋអាមេរិក ដែលមានឈ្មោះថា Bow Wave Capital Management បានផ្តល់នូវមូលនិធិចុងក្រោយ ចំពោះក្រុមហ៊ុនថៃ CP Group និង Alibaba's Ant Group។

មូលនិធិនេះ នឹងប្រើប្រាស់សម្រាប់កំណើន អ្នកប្រើប្រាស់ផ្អែកទៅលើកម្មវិធីអេឡិតត្រូនិច ដែលមានឈ្មោះថា Truemoney wallet។

មូលនិធិនឹងប្រើប្រាស់ ក្នុងការពង្រីកសេវាកម្មហិរញ្ញវត្ថុឌីជីថល រួមបញ្ចូលកម្ចីឌីជីថល ការវិនិយោគឌីជីថល និងទូទាត់ទឹកប្រាក់ឆ្លងប្រទេសនៅក្នុងតំបន់អាស៊ីអាគ្នេយ៍។

ក្រុមហ៊ុន Ascend Money បានបង្កើតនៅឆ្នាំ២០១៣ ហើយមានវត្តមាននៅក្នុងតំបន់អាស៊ីអាគ្នេយ៍ចំនួន៦ ប្រទេសដូចជា ប្រទេសថៃ មីយ៉ាម៉ា ប្រទេសកម្ពុជា ប្រទេសឥណ្ឌូនេស៊ី និង ប្រទេសហ្វីលីពីន និងប្រទេសវៀតណាម។

សេវាកម្មហិរញ្ញវត្ថុនេះ ក្រោមផ្លាកឈ្មោះថា Truemoney ដែលជាសេវាកម្មហិរញ្ញវត្ថុ និងទូទាត់សំណងដែលបំរើច្រើនជាង៥០លាននាក់ តាមរយៈទូទាត់អេឡិចត្រូនិច និង ភ្នាក់ងារTruemoney ៨៨,០០០ទីតាំងផងដែរ។

ទំហំការទូទាត់សរុបរបស់ក្រុមហ៊ុន នៅទីផ្សារអាស៊ីអាគ្នេយ៍ទាំងប្រាំមួយបានកើនឡើង១៤ពាន់ដុល្លារនៅឆ្នាំ ២០២០ ក្នុងនោះទីផ្សារធំបំផុតគឺនៅប្រទេសថៃ ដែលមានកើនឡើង៨៤ ភាគរយនៅចន្លោះឆ្នាំ ២០១៩ ទៅ ឆ្នាំ ២០២០៕