ដោយៈស៊ីវ ម៉េង

កំពង់ស្ពឺៈ អភិបាលនៃគណៈអភិបាលខេត្តកំពង់ស្ពឺ លោកវ៉ី សំណាងបានមានប្រសាសន៍ថា ជាមួយនឹងសកម្មភាពនៃការអភិវឌ្ឍកើនឡើងជាប្រចាំ ខេត្តកំពង់ស្ពឺលែងត្រូវគេមើលងាយទៀតហើយ។

លោកបានមានប្រសាសន៍ឲ្យដឹងតាមទូរស័ព្ទ កាលពីពេលថ្មីៗនេះថា ពីមុននៅពេលនិយាយពីខេត្តកំពង់ស្ពឺ គេតែងតែមើលងាយ គេសើច ប៉ុន្តែក្រោមការដឹកនាំរបស់ប្រមុខរាជរដ្ឋាភិបាល សម្តេចតេជោហ៊ុន សែននាយករដ្ឋមន្រ្តីនៃកម្ពុជា បានធ្វើឲ្យខេត្តកំពង់ស្ពឺទាក់ទាញការអភិវឌ្ឍយ៉ាងខ្លាំង ក្នុងប៉ុន្មានឆ្នាំចុងក្រោយនេះ។

លោកបន្តដោយអស់សំណើចបណ្តើរថា "ពីមុននិយាយពីកំពង់ស្ពឺ គេនិយាយពីតំបន់រលាក់កងជើង និយាយពីប្រជាជនរត់តាមឡាន ម៉ូតូ ដើម្បីហិតផ្សែង ប៉ុន្តែបច្ចុប្បន្ននៅក្នុងស្រុកណាក៏ដោយ ក្នុងខេត្តកំពស់ស្ពឺនៅតែមានសកម្មភាពអភិវឌ្ឍន៍ និងសកម្មភា​ពទិញលក់ដីធ្លី និងតម្លៃដីធ្លីកើនឡើងជាប្រចាំ ដែលបានធ្វើឲ្យជីវភាពរបស់ប្រជាពលរដ្ឋមូលដ្ឋានកាន់តែប្រសើរឡើង"។

លោកវ៉ី សំណាងបានបន្តថា ខេត្តកំពង់ស្ពឺបច្ចុប្បន្ន ប្រៀបដូចជាចំណុចកណ្តាលមួយ ដែលតភ្ជាប់នូវប៉ូលសេដ្ឋកិច្ចធំៗ គឺរាជធានីភ្នំពេញ និងខេត្តព្រះសីហនុ ក៏ដូចជាខេត្តកំពត ដោយបច្ចុប្បន្នផ្លូវជាតិសំខាន់ៗស្ទើរតែទាំងអស់បានឆ្លងកាត់ខេត្តនេះ ដូចជាផ្លូវជាតិលេខ៣ ផ្លូវជាតិលេខ៤ ផ្លូវល្បឿនលឿនភ្នំពេញ ព្រះសីហនុ ផ្លូវជាតិលេខ៤១ ផ្លូវជាតិលេខ៤៤ ផ្លូវជាតិលេខ៥១ជាដើម។

លោកបន្តថា "បច្ចុប្បន្នតំបន់ជាប់ផ្លូវជាតិសំខាន់ៗទាំងនេះ កំពុងទាក់ទាញរោងចក្រ សហគ្រាស គំរោងអភិវឌ្ឍន៍ដីឡូត៍ លំនៅដ្ឋាន មជ្ឈមណ្ឌលពាណិជ្ជកម្ម និងរមណី​យដ្ឋាននានា ពិសេសការជ្រើសរើសបុគ្គលិកបំពេញការងារពីរោងចក្រ សហគ្រាសនានានៅតែបន្តធ្វើជាប់ជាប្រចាំ៕